Ko te waetīkape Ōpango o Ngāti Porou a Dane Coles te kāpene hou o te kapa Āwhiowhio mō tērā tau. Koia e whakapuru nei i te āputa i a Conrad Smith e wehe atu nei.
Kua ika-a-whiro a Coles i te puhi taioreore whutupōro e tākai nei i tēnei tau tākaro mā te waetīkape, rua tekau mā waru tau te pakeke.
Tuia ki tērā, ko TJ Perenara o Ngāti Raukawa te kāpene tuarua o te tira. Ko te māngai nui o Te Arawa, ko te hāwhepēke Ōpango nei a TJ Perenara kua eke ki te tūranga kāpene tuarua ā tērā tau.
Koinei te wā tuatahi kua kitea he tokorua Māori e kāpene nei i tētahi kapa ngaiō. E karangahia ana te katoa o te kapa Āwhiowhio whānui hei te tuarima o Kohitātea kia āta whakamātauria e ō rātou kāpene Māori hou.
