Ko Hoani Edwards e tū ana ki mua i tōna pae. Whakaahua: JC Photography NZ
Nā Bonnie Jansen, pia o Te Rito
Kei Tāmaki Makaurau e tū ana ngā tākaro whiringa whāiti e rua mō te Ipu Chatham 2022 hei tēnei mutunga wiki, ā, ka nui te ohorere o te kapa Eastern Suburbs AFC i tā rātou ekenga ki tēnei taumata.
Koinei te tino o ngā whakataetae whana pōro taumātaki kapa o te motu, e tukituki atu ai ngā tino o ngā kapa whana pōro runaruna noa i Aotearoa.
Hai tā te kaikaro o te tīma Easterns Suburbs, hei tā Emmett Connolly o Te Whānau a Apanui, he tino hirahira te eke ki tēnei taumata o te whakataetae.
"It's pretty big for us. The season hasn't been the best but it's something to look forward to. It's not every day your team makes a Chatham Cup semifinal."
Ko Eastern Suburbs i mua i tā rātou tākaro whiringa whānui ki a Waiheke United
Ko Eastern Suburbs ka whakamanuhiri i te tira Hamilton Wanderers i te kāinga, ā, he angitu tā rātou e whai nei, inā ngā uauatanga o tēnei tau tākaro.
Kaare ngā 'Lilywhites' i eke ki te Whakataetae ā-Motu, nā te mate Korona, nā ngā wharanga hoki rātou i pōrearea ai i te wā o Hinetakurua. Heoi, ko te kaiako matua, ko Hoani Edwards (Ngāi Tūhoe) e manawarū nei i te ara e tū nei.
"It's huge for our club. We've got a big history here of success in the Chatham Cup, and it's been a tough season for us so we're really looking forward to it."
Ko Edwards, he kaitākaro, he kaiako hākinakina Māori toa kua tata ki te 20 tau e whai wāhi atu ana ki te kapa Eastern Suburbs, ā, hei tāna, me kaha ake te whai wāhi a te Māori ki tēnei hākinakina nui taioreore i te ao.
"We’ve had some successful Māori footballers, the big ones like Winston Reid, Wynton Rufer. Rory Fallon's involved with the All Whites at the moment, so we need these guys to give back, and they do, and it's probably just getting it out there to young Māori."
Ko Jake Mechell e whakanui ana i tāna whai piro mā Eastern Suburbs AFC i ngā whiringa whānui
I roto i te whakataetae Ipu Chatham, nā Eastern Suburbs i pana atu ngā toa o te Northern League, a Birkenhead United, ā, i whāia ko tētahi tukinga maruwehi ki te kapa Waiheke United.
I te ahunga atu ki te whiringa whāiti, ahakoa he tākaro hau kāinga mā Eastern Suburbs, he tino toa te hoariri i te kapa Hamilton Wanderers, e whā ngā tūranga kei runga ake i a rātou i te Northern League.
Kātahi hoki te wero nui mō te kāpene, mō Michael Built, ka tuki ki tana karapu o mua.
"It's going to be a good game. It's going to be a little bit emotional. There are a number of people I still know at the club. I'm sure it'll be a feisty game but obviously, I'm an Eastern Suburbs player so I'm going to do my very best for Eastern Suburbs and hopefully we are the ones who can check into the final.”
Ā, kei te manawanui rānei te kaiako a Hoani Edwards, mēnā kei tana kapa te kaha kia ahu atu ki te whiringa toa?
"Yeah…for sure, we've prepared well. The guys play to their potential and the level of what they can do."
Ko Eastern Suburbs ka tākaro atu ki te kapa Hamilton Wanderers i Madills Farm, Hātarei Ākuhata 20, 2pm, toro arorangi atu rānei ki YouTube at ESAFC TV.