Ko Kathy Cross te toa whakaihuwaka i te pō tohu tākaro Hutt Valley

Rahia Timutimu

Ko te kaiwawao kirikiti, ko Kathy Cross, te toa whakaihuwaka i te pō tohu tākaro tuatahi o Hutt Valley inapō rā. Ki te whare hākinakina o Walter Nash tū ai te pō whakahirahira nei, ā, i toa ko te kaiwawao a Ao i te taonga, i ngā ingoa e iwa.

I te aro te katoa o te whare ki a Kathy Cross, me tōna kaha whakamā. Ko ia te toa whakaihuwaka o te pō.

I haka āna tama tokorua ki a ia i tana ekenga nui whakahirahira.

I ngā tau e rima kua taha ake nei, kua whakaingoatia a Cross ki tēnei pō tohu tākaro. Heoi anō, inapō i whakawhiwhia i a ki te taitara toa whakaihuawaka, ki te pō tohu tākaro a Hutt Valley.

Arā ngā momo tuatahitanga mā Kathy. Ko ia te kaiwawao wāhine tuatahi ki te hautū i tētahi tukinga ICC T20 ā Ao.

Ka mutu, i tana taha i te pō katoa, ko tōna tama, ko Stephen.