Ko ngā waka hourua ko Hōkule'a raua ko Hikianalia kua ū mai ki Aotearoa

Ko te waka hourua rongonui, ko Hōkule'a me tana teina a Hikianalia kua ū mai ki Aotearoa, otirā ki Te Pēwhairangi. 

E toru tekau tau kua hori nō te taenga tuatahi mai o te waka hourua pakeke nei o Hawaii ki Aotearoa, koia e meatia nei, i whakahihiko i te ngākau o te ao Māori ki te whakaara ake i ngā mahi tuku iho a ngā tīpuna, i arahina mai e ngā tohu o te rangi me te moana ki tēnei motu.

Ehara a Hokulea i te waka tauhou ki tēnei moana nāreira e kōrero tonu ana ngā kaumoana o runga mo tōna unga tuatahi mai ki te taitokerau, ara ki Waitangi.

E karanga ana tēnei haerenga ko "Malama Honua" hei whakamahi i ngā waka hourua hei kawe I te kaupapa whakahirahira mo te oranga o nga moana me te taiao whānui i runga anō te tūpato ko tōna matenga oranga rānei kei te tauripa arai o te ngaru e haere ana.

Mai rā anō ko te moananui te marae no ngā tūpuna, e rima marama kua pahure no te wehenga mai o Hokulea raua ko Hikianalia i Hawaii kia huri awhio i ngā motu o te Moananui ā Kiwa hei kawe i tō rātou na kaupapa ki ngā iwi maha. No te rā nei ka ū mai anō tēnei waka hourua ki tēnei pito o te ao.

Frank Kawe, “Mai i te taenga mai i aua whakapiki ake te whakaaro o te waka hourua ki roto ia tātou Ngāi Māori me wāhi tētahi waka mō tātou te iwi Māori. Nā mai tēra wā ka nui ngā waka kei roto o Aotearoa.”

Hei te Rāhoroi e haere mai nei ko te whakatau okawa mo te iwi nei ki Waitangi.