Ko Oranga o te Awa o Puhinui

Neke atu i te rua tāngata i tae atu ki te papa rēhia o Hayman i Manukau, ki te tautoko i te Hīkoi mo te Puhinui.

He kaupapa ā hapori, he kaupapa koreutu, mo ngā whānau katoa, hei hīkoi i ngā paparēhia me ngā tiriti o Manurewa, he ara whai i ngā kikonga o te awa o te Puhinui, mai i te Pāka o Hayman ki te Pāka o te Totara.

Ko te tumuaki o te Wharekua o Manurewa a Maahia Nathan tetahi i puta ki te takahi i ngā ara hīkoi, na runga i te wero a te kaupapa, ko te oranga o te Puhinui tēra.

"I roto i wā matou marau, te marau pūtaiao ko te mahi a ngā tauira ko te kohikohi i ngā raraunga mo te āhua o te kōunga o te awa o Puhinui, me te mohio ano hoki karekau kē e tino pai te oranga o taua awa."

I tōna taha o ko Toi Te Whirowhiro, he kanohi kitea i roto i te hapori o Te Tonga o Tāmaki, i runga hoki i te marae o Manurewa, hei tāna ko te oranga o te awa o Puhinui te take i tae mai aia i te rā nei.

"Kua tae mai ngā tāngata katoa mai wīwī mai wāwā ngā tōpito e whā o te motu, me wā ratou kuri."

Mai rāno te awa o te Puhinui e manākitia ana, e manāki ana hoki i te manawhenua, no mua rāno i te nōhia e te tangata, ā ko te tumanako a te hapori nei, ka noho ora tonu te awa nei mo ngā whakatipuranga e whai mai nei i muri.