Ko Steven Adams ka tītohu karere reo Māori ki āna apataki

Heta Gardiner

Kaare a Steven Adams i te āhei ki te haere ki tana huihuinga poitūkohu i Te Whanganui a Tara i tēnei tau, nā ngā herenga mate Korona, engari tē mahue i te toa NBA te tuku pānui e pā ana ki tana kaupapa High School Invitational, i roto i te reo Māori ki te 345,000 o āna apataki i Pukamata.

Ko te tūtohutanga, i roto katoa i te reo Māori, i mea ake "Rauika mai ki te mātakitaki i ētahi o ngā hau tipua o ngā kura tuarua o Aotearoa e whakataetae ana ki te tuawhā o te Steven Adam's High School Invitation." 

Taro ake i tana tūtohu i te pānui, he maha ngā karere i tuhia ki te wahi tuku kōrero e whakamihi ana i a Adams mō te hāpai i te reo Māori.