E ai ki te Minita Take Kāwanatanga ā-rohe, ki a Nanaia Mahuta, ā tōna wā te kāwanatanga ka āta whakaaro ake ki te whakature i ngā tūru Māori ki runga i ngā kaunihera. Koinā te kōrero whai muri i te whakatau a te Kaunihera ā Rohe o Whakatāne ki te whakatū rohe pōti Māori.
A tōna wā pea, ka noho te whakatau a Te Kaunihera ā Rohe o Whakatāne hei mea tautoko i te whakaturehanga o ngā rohe ā kaunihera Māori.
“I tēnei wā ko tō mātou nei aronga ki ngā tauira kei ngā kaunihera ā-rohe. Tērā ki Waikato, Te Kaunihera ā rohe o Waikato, ā Te Moana ā Toi, ā Te Wairoa arā ināianei ko Whakatāne,” i mea atu i a Mahuta. “Ka āhei tātou te tino arotake he ngā pāinga.”
Inanahi i whakamana ai te pōti a ngā kaikaunihera, tokoono i whakaae, tokorima i whakahē ki te uru i ngā rohe ā kaunihera Māori. Ā, manahau ana ngā kainoho o te tāone.
He mea whakamīharo hoki i te kaumātua o Te Tohu o Te Ora o Ngāti Awa i a Joseph Pryor.
“Kei konei a Ngāti Rangitihi, kei konei a Murupara i roto I Ngāti Manawa, kei roto i a Ruātoki, i roto i Te Whārua,”i kī atu a Pryor. “Kei konei tātou katoa. Nō reira me pēhea hei tū ngā māngai o ngā rohe kaunihera i waenganui i a tātou.”
Hei muri atu ka whai wāhi ngā kaipōti o te rohe ki te kōkiri i tētehi whakataunga ā-Iwi mēnā āe rānei me whakamana ngā rohe ā-kaunihera. Ko tā Pryor me tautoko ngā iwi Māori mā te pōti.
“Me haere tātou te katoa o tātou ki te pōti ki te i tutuki tēnei mahi tēnei āhuatanga o te Māori i runga i te kaunihera,” ka korero atu a Pryor.
“Whai muri i ā mātou nei arotake ki ngā tauira kei āua rohe i whakamanatia hei tūru Māori he wāhanga ki a mātou kia āta whakaarohia mēnā ka whakaturengia ka whakakahangia rānei i ngā kaunihera kia whai i ngā tapuwae o āua tauira,” te kī atu a Mahuta.
Ka tuku te Kaunihera i te pānui tūmatanui ki ngā kaipōti ki te tuku petihana pōtitanga hei te rangi toru tekau o tēnei marama.
