Ko tā ngā māngai nō te whare oranga wāhine me whakatū ētahi atu anō whare kōti mā taua take anahe

Ko tā ngā māngai nō te whare oranga wāhine ko ngā tuhinga hei arotake i ngā mate tūkino whānau he whakaaro rangatira.

Engari me whakatū ētahi atu anō whare kōti mā taua take anahe, kei reira pea te rongoa hei āwhina i ngā pārurenga, a ki te whakarauora tangata hoki.

E ai ki ngā ringa hāpai o ngā mahi tūkino tangata, he painga kua kitea ki roto i te tuhinga hou e whakarauora ai i ngā pārurenga.

I tērā tau i karangahia ngā pirihimana e te kōtahi rau mano neke atu tāngata i tūkinohia, mō ngā tāngata māori ka toru whakarau ake i o iwi kē te rahi o te hunga ka mate i te ringa tūkino o o rātou hoa rangatira.

Ko tā rātou, ka kite he painga ki te whakarite kooti, kaiwhakawā hoki e aro motuhake ana ki ngā take patu tangata.

Nā te whakarewanga o te ture patu tangata i te tau iwa tekau mā rima me ngā pānui It's Not Ok i piki ake te nama o ngā tāngata i toro atu ki ngā pirihimana.

He huhua noa ngā take ka hua i te tuhinga hou, ka mutu, ka tāea te iwi whānui te whakaputa i o rātou whakaaro i mua tonu i te tekau mā waru o Mahuru.