Ko tā te kaipāpaho Māori ō-mua, tā Derek Fox i runga i a Pukamata i te rangi nei, ko te tino utu mō te whakahīhī kua utua e te etita o te mōheni-kōrero whakarōrā o Charlie Hebdo. He kōhuru-terorehe kua pā ki te tari o Charlie Hebdo, ki te taone nui o Parī, i Wiwī, me te aha tekau mā rua ngā tāngata kua riro hei raukakai.
Ka tangi a Wiwī mō te toru rā, heoi ko tā Derek Fox, mō te ētita a Stephane Charbonnier, ko te utu tēnei mō tōna whakahīhī, ā, ko ia tonu te kaiwhakaweti he whakapono nōna he pai noa iho te whakaiti i ngā tikanga o iwi kē.
I kōrero mātou ki a Stephen Wilson, he kuki i noho ki Wiwī mō te rua tekau mā ono tau, ā, i mōhio ki a Chabonnier.
Ā, ahakoa te whakahē ā ētahi i ōna whakaaro, kāore a Fox mō te tuohu noa.
Nā, e rīpoatatia ana, kua tuku a Hamyd Mourad tekau mā waru tau te pakeke i a ia anō ki ngā pirihimana, engari e haere tonu ana te aruaru mō ngā tuakana teina a Said rāua ko Cherif Kouachi.
E whakatā tonu ana te Pirimia a John Key engari i whai wāhi tonu a ia ki te whai whakaaro nui ki ngā whānau pani me ngā uri whānui o Wiwī.
Kahore anō kia kitea pēnā rānei kua aituā tētahi nō Aotearoa, engari tērā te tohutohu kia whai wāhi ngā kainoho o Aotearoa ki Parī ki ngā tohutohu a ngā mana whakahaere o te takiwā.
