Ko tā te rā Kiriuhi ua kakā, he whakamahara i a tātau ki ngā tohu o tēnei mate

Hei āpōpō tū ai te Rā Kiriuhi Ua Kakā o te Ao, e mataara ai tātou ki ngā tohu o tēnei mate.

I tēnei pō ka whai wāhi tātou ki ngā kōrero a tētahi māmā nō Tokoroa, i tata riro atu tāna tama i te ngaukino o tēnei mate, i te tau rua mano ma toru.

I te tau rua mano ma toru, e whitu tau noa iho te pakeke o Kardas Jackson Kaea, ā, ka pākia ia e te mate kiri uhi ua kakā.  Hei te marama o Hurae ka eke tōna pakeke ki te tekau mā iwa tau, engari kei te rongo tonu ia i ngā whakawhiu. 

Inā ngā momo o te mate kiri uhi ua kakā, ko ngā tamariki te reanga ka rongo i tāna ngau. 

Nō te tau rua mano mā tahi, tekau mā tahi ngā tāngata i riro i tēnei mate, nā, ko te āki a ngā rata kia mārama tātou ki ngā tohu o tēnei mate, ā, me wero ki te kano ārai!

Ki a tātou ngā mātua, kei te mōhio tātou ki o tātou tamariki, ehara i te mea kei te karo rātou i te kura, kei te whakatoi rānei, mēna kei te mate rātou, kaha hoki pēnei i taku tama, ahakoa te iti o te tohu, hari atu. 

He nui ngā akitu kua ekea e Kardas i roto i ngā mahi hākinakina.  Ki tā ngā whakaaro o tōna māmā kāre he koha i tua atu i tōna oranga tonutanga. 

Āpōpō ko te rā mō mate kiri uhi ua kakā o te ao, he rā hei manatū mā tātou katoa i ngā tohu o tēnei mate.