Ko tā te whārangi ipuranga hou a Brown Butterbean, he akiaki i te tangata kia whāia te ara hauora

He toitoi manawa te anga a te kaimekemeke a David Latele, e mōhiotia nei ko "Brown Butterbean" ki te hunga e takahi ana i te ara patu mōmona.

Nō tērā wiki ka rewa i a ia tētahi whārangi ipurangi hou, ā, neke atu i te toru mano tāngata kua whakawhirinaki atu. 

I te kotahi tau, he whitu tekau ma rima kiro karamu te mōmona kua makere iho i a David Letele.

Inaianei, ko tana hiahia he whakamōhio atu i ana hua mahi hauora ki te hunga hiahia, hei painga mō te katoa. 

I patua ia e te whakamā na tana mōmona, kō atu i te rua rau kiro karamu te taumaha, engari nā tana whakapeto ngoi i te kotahi tau, kua huri te tai.  

Hei tāna anō, ehara i te mea mō Ngāi Māori me ngā iwi nō te Moananui-a-Kiwa anahe te whārangi ipurangi nei, engari mō te katoa.