He whāinga iti kē hoki te whai a te kāwanatanga ki te whakamutu i ngā mahi hōpara i ngā papa moana o Aotearoa mō te kimi kōhinu. Koia te whakatau a Debbie Ngarewa-Packer, kai-arataki o Te Rūnanga o Ngāti Ruanui. Ko te iwi nei o te Tonga o Taranaki tētahi o ngā kai-arataki i te tono pīrā ki Te Kōti Teitei i Pōneke hei whakakore i te whakaaetanga ki a Trans-Tasman Resources Ltd ki te keri one tokahuke i te papa moana ki waho o Pātea.
Ko tā Ngarewa-Packer me whānui ake te whakatau a te kawanatanga ki te whakakāhore i ngā tono hōu hei torohē hinu ki te mahi keri i te papamoana anō hoki.
“We've always been pushing fo changes to the Crown's Mineral Act and we've been involved in the Iwi Chairs Forum for the purpose of being able,” i mea atu ia.
Nō tērā tau mō te wā tuatahi i whakamana ai te tono a TTRL i Te Kāhui Haumaru i te Taiao ki te keri i te papa onepū rino e whia mīriona manokiro. Wheoi hei tā Ngarewa Packer ko te torohē hinu tētehi atu o ngā tino māharahara o te iwi.
“We've had the most amount of oil exploration activity in our backyard than any other Iwi in the country,” she said, we're experts in this field and we've always pushed that there's stronger regulations and legislation.”
Ko te take tuatahi kei te aroaro o te kōti arā, ko te tū rānei, kāo rānei o Te Mana Rauhī Taiao ki te tuku kōrero. Kāore ngā kaitono katoa i te whakaae, i te mea, he pānga tā rātou ki te whakatau, otia, nā rātou te tono keri onepū rino i whakamana.
Inanahi i tīmata ai te whakawātanga i te kōti teitei. I te rā tuarua nei, i whakatakatōria e te roia e Cooke tana kōrero whakarāpopoto me ngā hapa ā-ture e ono mō te whakaaetanga ki te keri i te papamoana , kātahi ka whai wā ngā rōpū taunaki atu e whā ki te kōrero.
“We need to make that transition and certainly signal to everyone how that transition is going to look in the next five, 10, 20, 30 years. And I think Māori Iwi definitely need to be involved in leading some of those kōrero.”
Ka puta te whakatau a te Kaiwhakawā a Churchman mō Te Mana Rauhī Taiao, kia rongo ai ia i ngā kōrero a ngā kaitono katoa me te kamupene keri onepū o Trans Tasman Resource.
