Ko Tātere MacLeod tērā i upoko pakaru i te mahere rautaki reo o Ngāti Kahungunu

Koia te huatahi reo Māori o ngā whakatipuranga e toru, e manawanui ana aia kia kaua te reo e whatungarongaro ki te reanga tuawhā.

Hei tā te mātanga reo Māori, a Tātere MacLeod, “Ko te hunga kōrero māori te tokoiti i roto i whānui o Ngāti Kahungunu kua pēnei i kī mai kua tata hemo te tonu te reo Māori ki te kore a Ngāti Kahungunu i tahuri ināianei tonu nei, haere nei te tekau tau ka kōrero pākeha te katoa.”

Kātahi anō aia ka oti i tētahi rangahau, e whā tekau mano ngā kupu te nui, ara ko "Te Rautaki Reo Māori o Ngāti Kahungunu" he rangahau i kite i te hauora o te reo o Ngāti Kahungunu, he tata ki te tekau tau i te whakarewatanga o tā rātou mahere reo rautaki.

E ai ki a Tātere MacLeod, “Ko te tino pātai ki au nei i puta ake i taku rangahau ko te he aha i oti te wāhi ki ngā iwi, nātemea ko ngā iwi kei te kī mai me kaha ki te kōrero i ngā mita ngā reo a iwi.”

I a ia e tekau mā waru ngā tau te pakeke i wehe atu ia i tōna whenua whakatipu o Piripane, kia tāea ai e ia te whai i te reo rangatira. Engari, he tekau tau mai i taua wā kāore ia i te mōhio te reo ki tēnei rā, koia tētahi o ngā pou reo māori.

Hei tā Tātere MacLeod, “Kua kite ahau koinei hei mahi māku ko te ārahi i taku iwi me te penapena haere me te kipakipa haere i a rātou i taku rahi o Ngāti Kahungu ki te tahuri ki to tātou reo Māori.”

Koia tērā i upoko pakaru i te mahere rautaki reo o Ngāti Kahungunu, nā tōna rangahau i kite ai ia i ētahi take kia whakaora tonu ai te reo Māori.