Ko ngā kaupapa huhua ērā ka wherawherahia ki ēnei taumata kōrero e tu nei ki Taurangatira ia tau, ia tau.
Hakoa te hekenga mai o ngā roimata o Ranginui, kōia ko Taurangatira te pito wehenga whakamutunga o te ope hīkoi e kawe atu ana i tā rātou kaupapa whakahē i ngā mahi kōwiri hinu, waro anō hoki hei painga mō te taiao, mō ngā uri whakatupu kei te heke mai.
Mai i Te Rerenga Wairua, ki Waitangi, tau atu rā ki te whare rūnanga o Ngāpuhi, kōia tēnei te takinga whakamutunga a te ope hikoi, a, hakoa nō nanahi tonu nei te pirimia ka tuku atu i te reo pōhiri ki tēnei kaikōrero o te ope kia wānanga i te kōwiri hinu. Ki te hē āna whakapae, he huringa whakaaro pea ka tutuki.
I whai wāhi atu ngā uri maha, rōpū tiaki taiao maha ki te kawe i te kaupapa , me te mea hoki, hei tā tētahi o ngā kaihīkoi, he kaitiaki kē te ope hīkoi, ēhara i te hunga porotēhi.
Kīhai te kamupene o Anadarko, i kite i te wāriu o te kōwiri hinu ki te riu moana o Taranaki. I puta hoki te korero, ki te tū kotahi te iwi, i runga i te whakaaro kotahi, ka huri pea te tai mō te kamupene o Statoil e tāria ana kia keri i te papamoana ki te riu moana o Te Reinga, kia kite i te wāriu o aua mahi.
