Ahakoa kua tō te rā ki te ao whawhai meke a Shane Cameron he tekau mā whitu tau te roa, e ai ki te toa taumaha o mua o Aotearoa ka ora tonu ana mahi whakahirahira e ōna ākonga, hoa tata, tamariki hoki.
Hei tā te maunga whakahī no Tiniroto, kua tae te wā ka tahuri atu a ia ki ngā mahi whakaako me te manako nui ko ana pukenga katoa he tāonga tuku iho ki tana tama ki a Shane pakupaku.
He aronga hōu kei mua i a Shane Cameron i tēnei ao whai muri i ngā tau maha e pūmau ana ki ngā mahi mekemeke
Ka hoki ōna mahara ki te wā i whārikihia e David Tua te manuka ki tōna aroaro kia kawea ake
Ko te tino o ana whawhai, ko tērā i te tau rua mano ngahuru mā rua, i tana turaki i a Monte Barrett
Ka tuku mihi a Shane ki te hunga taunaki i a ia, ki a whakaata Māori hoki i whakapāoho i āna whawhai
Ināianei ko te tiaki, ko te poipoi i tāna tama, i a Shane paku, he tekau marama te pakeke, i tana kōtiro hoki i a Georgia rātou ko tōna hoa rangataira, i a Tara te mahi
A ka tīmata tana whakaako i tōna hoa, i a Ricky Murphy hei ngā wiki e heke mai nei.
