Ko te hākinakina Roller Derby tērā e kaingākaitia ana e ngā wāhine o Whakatāne

Wikitōria Day

He momo hakinakina kua tata ki te waru tekau tau e takarohia ana, a, ahakoa i ahu mai te Roller Derby i Amerika, kua whanake haere hoki ki roto o Aotearoa.

Nō nā noa nei tutaki atu ai tā mātau karere a Wikitoria Day ki ētahi kaitākaro Māori ki Whakatāne, e whai ana i tēnei hākinakina.

Ehara i te mea he hakinakina tenei ma te katoa, hēoi, e tino mate nui nei enei kaitākaro no te tira Roller Derby o Whakatane ki ēnei mahi tākaro me ōna tini pūkenga.

Nō te tau rua mano tekau mā rua noa iho whakarewahia ai tēnei kapa, engari ka mātakitaki ana te tangata i a rātau, anō nei kua aua atu te wā rātau e takaro ngātahi ana.

Hei tā ēnei kaitākaro Māori, i rarata rāua ki ngā wāhanga katoa o te kemu, kaua ki te wāhanga kotahi noa iho nei.

Ahakoa he āhua hōu tonu te Roller Derby i Aotearoa nei, kua kitea te pakari o tēnei kapa i Whakatane nei.

Tērā te manako nui kia uru atu ai rātau ki tētahi whakataetae ā ao a tōna wā.

Hōi, mō tēnei wā, he kupu akiaki a Heremia ki te hunga e hiahia ana ki te aruaru i te hākinakina nei.