Ko te karapu hākinakina o Te Teko tērā i tana tau kotahi rau rua tekau mā rima

Taroi Black

te karapu hākinakina o Te Teko tērā i tana tau kotahi rau rua tekau mā rima. I whakarauika atu te rahi o tōna iwi ki te whakanui i te karapu mō nga kaupapa kua aratakingia e rātou hei painga mo te taone.

Ara noa atu ngā hītori mō Te Teko me ā rātou toki, pērā i a Keith Pryor, he toa piro i te whakataetae NPC i ōna rā, me te toa kapa takiwhitu a Dallas Seymour. Ka mutu, te tokomaha o ōna toa wāhine i eke ki te tira Blackfern. 

I tumeke te katoa i te taenga mai o nga toa Ōpango o mua, o Tane Norton rāua ko Billy Bush, ki tēnei kainga o rāua. 

Kua poipoi hoki te karapu i te hapori mā roto i ngā tini mahi kohi moni mō ngā kura, kōhanga reo, marae anō hoki. Ā, ko te hautoa o Ira Tumoana e rere tonu ana i te toto, whai muri i tā rātou turaki i a Paroa, te hoariri tohe roa. 

A, kati ake ka whakairia te kaupapa ki te haka rongonui a te karapu.