Ko te Pirimia kua noho hei kai mā te ahi mō te take o ngā mauhere ki Christmas Island

Ko te hunga mauhere ki Christmas Island kua noho hei kai mā te ahi o te Kāwanatanga o Ahitereiria mō te pupūnga o te riri ki te whare mauhere rā, ā, ko te Pirimia o Aotearoa ko John Key kua noho hei kai mā te ahi o whakahē mō taua take tonu rā.

Kua tū kāpui ake ngā mema wāhine, ko ētahi he pārurenga nō te tūkino wāhine.  Ko tā rātou karanga, kia tuku whakapāha te Pirimia a John Key mō tana kī, he hāpai i ngā kaipāwhera tā Reipa.

Heoi ko te kanohi hou, ko Marama Davidson tērā i kōkiri i te take.

E whakahē ana te Pāti Māori i te Kāwanatanga i te mauheretanga o ngāi Aotearoa ki Christmas Island, otirā te mauheretanga o te ika a-whiro, a Ko Rutene.

E ai ki māngai kāwanatanga o Ahitereiria, kua tau kē te puehu ki Christmas Island, engari ka heri tonu a Marama Fox i te take mō Rutene ki te Pirimia ki tā rātou huihuinga ā te pō nei.

Hei tā Marama Fox, “Tātou katoa kei te āwangawanga mō rātou e mauheretia i ēnei whare herehere nei i a rātou hoki ki te whenua nei ko wai kei te tiaki i a rātou?”

Heoi, hei āpōpō pea kā mohio mēnā ka tuku āwhina a Key ki a Rutene, otirā anō ērā atu o ngā mauhere nō Aōtearoa kei Christmas Island e puritia ana.