Ko te rā whakamutunga o te hui hākinakina o Waikato-Tainui

Wikitōria Day

I renarena ngā ngākau o te katoa i te hari me te koa i tēnei te whakarehutanga ake o tēnei taiopenga hākinakina o Tainui.

Ko te pā whutupōro tērā i kaha tākarohia i te rangi nei, ā, ko te marae o Tūrangawaewae ngā toa i tēnei tau.

Hei tā Marrin Haggie, “Ko te tumanako, hei whakapiki ake i te oranga o te iwi whānui, nō reira, te wairua i roto i taku tīma he wairua harikoa, he wairua akiaki, he wairua āwhina me kī.”

Tērā hoki tētahi hākinakina me uaua ka kitea i ngā huihuinga pēnei, ēngari, i rata katoa te iwi, ahakoa tamariki mai, pakeke mai, ki te hākinakina poi kōpiko.

I whakaritea mai ai tētahi wahanga e taea ai e te hunga kaumātua te paku okioki, te mātakitaki hoki i ngā whakaritenga o te rangi, ki raro i te haumaru, ā, i maimoahia rātau i tēnei rangi.

Nā te whakakotahitanga me te wairua mahaki i rere i waenganui i tēnei hui, kāore e kore ka hīkaka katoa ngā uri o te iwi kia tae mai anō tēnei taiopenga hei te tau hōu.