Ko te rerenga Rīpene Mā ka tiaho i te māramatanga ki ngā mahi tūkino tara ā whare

updated Regan Paranihi

He take nui tonu te tūkino tara ā whare, ka mutu, ko Aotearoa kei te taumata o ngā tatauranga o te ao mō te tūkino wāhine.

Ia tau, ia tau i te rua tekau mā rima o Noema, ka kōrerotia te mamae me ngā mōreareatanga o te tūkino tara ā whare i te rā Rīpene Mā.

Ko ngā kaihāpai i te Rīpene Mā e huri haere ana i te motu ki te wero i ngā āhuatanga e noho tapu ana ki te nuinga, arā ko ngā take e tahuri ai te tāne ki te tūkino wāhine. 

I tīmata ai te Rerenga Rīpene Mā i te 2009. He tangata tūkino wahine a Takurua Tawera i mua, ā hei tāna ko tēnei haerenga ka hiki i te māramatanga mō te ahunga mai o te whanonga hē i hea, ā ko ngā matapae mō ngā tāne, he taumaha. 

"It provides an opportunity to get in front of communities that might otherwise not hear these messages from a campaign like White Ribbon."

Ko Ken Mahon hoki, he kaihāpai i te Rīpene Mā nō Te Waipounamu. Hei tāna, "As young boys, most of us have been told to toughen up or that boys don't cry. That type of pressure and advice is unhelpful and damaging."

E wawata ana ngā apataki o Rīpene Mā kia nui ake ai te hunga ka whai oranga ake i tēnei kaupapa puta noa i ngā hapori o te motu.

"The most powerful message is when it's delivered from the heart or personal experience. That's when you see an audience connect with a story or message," te kī a Mahon.

E ai ki ngā rangahau, e 47% ngā tāne i whakahautia i te wā i a rātou e tamariki ana, 'e kore rawa ngā tama e tangi', ā ko tōna 65% i tohutohungia, 'me mārō rawa, me taikaha hoki ngā tama'. E 9% noa iho ngā wāhine i tohutohungia ki te kōrero, 'e kore rawa ngā kōhine e tangi.' 

Ko ngā kaihāpai ka tae ki te whare Pāremata i te rā nei, ā ka puta he kauhau i a Hannah Dorey, toa o te whakataetae Kupu Kōrero a ngā kura tuarua mō te kaupapa Rīpene Mā.