Ko Te Rua o Te Moko te toa o ngā tohu Ahu Whenua

Ko Te Rua o te Moko ltd te tino toa inapō i te huinga whakanui o Ahu Whenua i tū ki Tauranga. 

I runga noa atu ngā whakahaere o tēnei pāmu, kotahi rau whitu tekau heketea te nui, me te mea nei, ara tonu te taumata i whakaaturia e rātau ki ngā kaiwhakawā, i te mutunga iho, kaore he pāmu i tū atu.

Hei tā Pita Sharples, “Pai rawa atu ngā pāmu katoa, te rongo katoa ki ngā kōrero mo tēnā, mo tēna hari katoa te ngakau ki ahau, engari ae, kua wikitoria a Taranaki.”

Ko te whai o Te Rua o te Moko kia hāngai tonu wa rātou mahi, hei whakapakari i ngā whānau me ngā hapū kei roto i te rohe o Taranaki.

Ko tētahi atu o ngā toa i tēnei pō tohu taonga, o Wiremu Reid i whakawhiwhi i te tohu kaipāmu Māori rangatahi i te tau me te pūtea kotahi mano, rima rau.

Ko ētahi atu o ngā pāmu i roto i ngā tohu whakataetae ko Pūtauaki me Ngakauroa, nō Te Moana nui a Toi, engari ko ngā tino toa i tēnei pō ko Te Rua o te Moko.