Ko te tūranga tuarima ka riro i a Hoe Aroha Waka Ama (W6 heats)

Rahia Timutimu

Koinei te rā tuarua o ngā whakataetae takiono, heoi ko te rā tuatahi mō ngā kaihoe rangatahi. I waenga i ngā kaihoe nei, ko tētahi takitahi nō Aotearoa. 

otahi anake te whakaharatau a te kapa, nā te warenga o ngā kaihoe ki ngā mahi whakataetae haka anō hoki.

Ahakoa te poto noa o te noho tahitanga, e mōhio pū tonu ana rātou ko te angitū kei te toro noa o te ringa.

Ahakoa te tata o ngā rēhi ki uta, i kaha tonu te pupuhi o Tāwhirimātea, ā, uaua ana te urungi i te waka.  I te otinga ake, he hua pai tonu te taenga tuarima mai a ēnei kaihoe.

Hei tā Emma Mokomoko, "He uaua, engari i haere, tonu, ahakoa kaore i pai, he pai te hākinakina, tērā te take i haramai mō te hākinakina."

Ka whai ara tonu te kapa ki te wikitōria mētara, inā rā, hei ngā rā e rua ko ā rātou rēhi whakamutunga.