Ko Te Ueha Mātātahi te mutunga mai mā ngā tamariki momona

Rahia Timutimu
Photo / file

Kua whakahē tētahi kaimahi tamariki ora i tētahi rautaki e hiahia ana ki te tuku i ngā tamariki momona ki tētahi ratonga tiaki tamariki.

Hei tā te kaiwhakahaere o te Kura Liggins ki Te Whare Wānanga o Tāmaki Makaurau, tā Ahorangi Wayne Cutfield, he mea pōuri te kite koinei te āhua o te tiaki tamariki momona, ka whakarerea i o rātou ake whānau.

Kei te whakarite ētahi tākuta i ētahi tikanga, ki te kore ngā mātua o ngā tamariki momona e whakarongo ki ngā nawe o ngā tākuta, ka herea ngā tamariki ki tētahi ratonga tiaki tamariki.

E whakaae ana a Tākuta Cutfield he raru nui te tino mōmona ki Aotearoa nei, heoi anō ehara i te tikanga pai kia tango ngā tamariki i o rātou ake whānau.

Hei tā Tākuta Patrick Kelly nō te Hōhipera o Starship, e mahi ngātahi ana ia me ngā pirihimana, me Te Uehā Mātātahi kia whakatakoto rautaki mō tāngata kāre i te aro ki te hauora i o rātou tamariki.

Hei tā Family First NZ, ka tautoko rātou i te whakaaro, he mahi nui kei mua i te aroaro ki te hāpai i tēnei take, mate mōmona, heoi anō, ehara i te mea tika kia tango Te Uehā Mātātahi i ngā tamariki, he take nui e haere ake nei.