Ko te umanga whawhai a Cameron kei te mura o te ahi i tana whawhai ki a Meehan

Kua whakaae a Shane Cameron ki te pakanga atu ki a Kali Meehan hei te Whiringa a Rangi mō te taitara WBA Oceania. 

Engari hei tā Meehan ko David Tua kē te hoariri tuatahi.  Ko te tikanga ka pakanga atu a Meehan ki a Tua engari kare ngā whakaritenga i eke.

Ka whakaheke tōhau a Shane Cameron mō te whawhai whakahirahira rawa atu o tana umanga whawhai. 

Engari mō tana hoariri a Kali Meehan, he whawhai pūreirei noa tēnei ki a whakatinana i tana tū ki te aroaro o Tua a tōna wā.

Kua tau mai te rongo ki a mātou o Te Kāea i te āta korerotia te hōhonutanga o te whawhai nei ki wāenga i a Meehan rāua ko Tua.

E rikarika ana a Tua ki te whawhai, engari mō naianei ko ana mahi kura wānanga te whāinga nui.