Kua tau mai te Rōpū Whakamana i te Tiriti o Waitangi ki roto o Whangarei Terenga Paraoa i tēnei ki te whakarongo ki ngā take me ngā nawe a ngā hapū maha o te rohe.
Ko ngā waiata whakahē nō tērā rautau e tohu ana i te wairua o ngā kōrero ka horahia e ngā hapū maha o Whangarei Terenga Paraoa ki te aroaro o te Taraipiunara hei te roanga o tēnei wiki.
Kua tata pau te toru tau nō te wahanga tuatahi o ngā kereme o Ngāpuhi mō te whakaputanga me te tiriti i kiia ai ngā hapū kihai rawa rātou i tuku tō rātou mana ki tētahi kē atu. Kei te tatari tonu mō te pūrongo a te Taraipiunara.
Ko te nuinga ngā whenua o ngā hapū o Whangarei Terenga Paraoa i murua e te Karauna i tērā atu rautau, kua hokona kētia. Na reira te ngakaunui a te iwi pau te kaha kia whai i te ara whakatikatika i a rātou nawe.
