Ko te whainga a Alfriston ki te pupuri i tā rātou taitara ki te whakataetae pā whutuporo o te motu

Ko te tauwhāinga pā whutupōro o ngā kura tuarua o te motu, ka tū hei ngā rā whakatā e tū mai nei.

Neke atu i te rima tekau ngā kura e whakataetae ana i tēnei tau, ā i te rā nei i kōrero mātou ki te kareti o Alfriston, nō te tonga o Tāmaki, e whai nei kia whakangungu i tā rātou taitara toa o te wāhanga hanumi.

Ka whakamahia e te Kareti o Alfriston ngētehi o ngā nekehanga nei, hei hanga rangatira mo apopo.

E ai ki te pouako, a Mere Rangihuna, “Ko tētahi tikanga o tēnei tima, ko te hanga he takiwa e whakamarumaru nei i ngā whānau, o te tima me te kura hoki.”

Koinei ngā kupu akiaki kua whakatinanahia e nga tauira nei, kia eke ai ki ngā taumata, ahakoa he aha kei mua ia rātou.

Ki tā te tētahi o ngā kāpaene o te tīma, a Rory Marshall-Barton, “He wāhine akiaki, he kaha ki te whakatika, kaha ki te whakarite, kaha ki te whakapakari nei i a mātou.”

Hei tā te kāpene tuarua o te kapa, a Tessa Scholten, “Harikoa ahau i whakatenatena ia i a au kia tākaro, i whai wheako ahau i te whakataetae a motu, me te haere ki Ahitereiria.”

Hei whakarite mō ngā whakataetae a motu, i haere te tima nei ki ngā whakataetae ā-kura o Ahitereiria, ki reira ka tirohia ngā ahuatanga mō te arahi, me te mahitahi.

I reira, i mōhio a Rangihuna, mā wai e kāpene tēnei tima.

Ki tā Scholten, “Hei kāpene, e māhorahora ana, e whakatauira ana i te mahi a te tuakana.”

E ai ki a Rangihuna, “Ko ngēnei tokorua he kōwhiringa kua tau, he tautika hoki, ā, manākītia e te hapori o te kura.”

Hei te tekau karaka āpōpō ka tīmata te kēmu tuatahi, ki te papa tākaro o Bruce Pullman i Takanini.