Ko te hēki te kai a John Key i tana wehenga i te whakatuwheratanga o ētahi whare kaporeihana hou. Ki te Pirimia ko te roopu Mana tēnei e porotehi ana mō te koretake noa iho.
Hei tā Hone Harawira, “He tohu tēra o tana kuare, kare ia i te paku mōhio ko wai aua tamariki, aua whānau hoki."
Kāti ko tētahi taumaha e kore e taea te karo ko tēnei maamaa me ana tamariki tekau e noho ana ki tētahi whare kaporeihana toru ruma te iti.
E ai ki a John Key kei te aro te kawanatanga ki te hanga whare hou, engari e ai ki a Reipa ko enei na i whakatuwheratia ki Maraenui he rua ruma noa te rahi otira karekau i te rongoa mō ngā wh`anau penei na.
Kua hunuku ngā take whare kaporeihana ki raro i Te Manatū Whakahiato Ora, ko tā te Minita ko Paula Bennett ko te nuinga o ngā whānau e rapu whare ana kei raro tonu i taua tari kāwanatanga i tēnei wā, heoi e āwangawanga ana ētahi na te mana nui o taua ratonga ki runga i aua whānau e raru ana.
Kaati akoko ake nei whakaritea he porotehi nui mo tēnei take. Ko te wawata ka noho ko te kōrero te kai a te rangatira, kaua ko te hēki.
