Ko Winston Peters tēra i tino whakaihuwaka i te kōwhiringa pōti motuhake i te rohe o Te Raki.
E ai ki ngā tatau pōti, i tua tata atu i te tekau mā rima mano ngā pōti a Peters. Tekau mā tahi mano mō Mark Osborne, he rerekētanga o te whā mano pōti. Ko Willow-Jean Prime i whiwhi i te kotahi mano toru rau tekau mā rima pōti.
I kī ake a Winston Peters ki ngā kaipōti ki te tuku i tētahi karere ki te Kāwanatanga, ā, tuturu i tino rongo a Nāhinara i tēnā inapō. Ināianei he ringa āwhina tōna ki te hāpai i a Chris Finlayson ki te whakatau i te kokoraho Tiriti o Waitangi a Ngāpuhi.
Ko ētahi kanohi Māori o Te Tai Tokerau i kitea ki te po whakangahau, pēnei i ēnei mema ō-mua o Reipa. Nā whai anō i hika ai nga patai mo Shane Jones, mehemea rānei he oranga torangapu mōna ki Aotearoa Tuatahi.
Tuturu pena ko Winston Peters kua tino ara mai ano i nga pungarehu, e kore te ahi torangapu e tineia noa.
