Koi Ora he kaupapa whakanui i ngā rangatahi nō Ngāi Te Rangi

Kei te whakatū te iwi nō Tauranga Moana a Ngai Te Rangi i tētahi kaupapa hararei hei whakaako i ngā take taiako e whai pānga ana ki tō rātou rohe. Ko Koi Ora te ingoa o taua kaupapa ma ngā tamariki mai i te tekau ma tahi ki te tekau ma ono tau te pakeke.

Ono tekau ngā rangatahi nō ngā kāwai heke o Ngāi Te Rangi e ako ana i o rātou korero tuku iho i ēnei rā hararei o ngā kura. Ki tā Josh Te Kani kaiwhakarite “mo te rangi nei ana ka haere mātou ki te piki maunga ki Ōtanewainuku, kei reira ko ngā kaikōrero ngā kaimahi o Doc me ētahi anō o ngā pou korero o tērā rohe o tātau o Ōtanewainuku te ngāhere kei reira.

I roto i ngā rā e haere ake nei ka whai wāhi ēnei rangatahi ki ngā mahi mau rakau, kohi kaimoana, ngā mahi waka hourua, te hī ika me te takahi whenua. Ki tā Kiri Wehi, rangatahi nō Ngāi Te Rangi “kia mōhio au ki aku tikanga Māori kia mōhio au me pēhea te piki i ngā maunga teitei ko te whakawhanaungatanga ki ōku hoa”.

Mo Tūterangi Tahuri koinei tōna wā tuatahi ki konei “ko te mea pai o tēnei noho he tūtaki ki te hunga me te piki i ngā maunga”. He kaupapa tēnei kei raro i te Kaitiaki a te Rūnanga a Iwi o Ngāi Te Rangi, e tekau mā toru mano te taupori o te iwi nō roto o Tauranga Moana Ki tā Te Kani anō, “he kaupapa tēnei mo ngā rangatahi, ngā taiohi o Tauranga Moana, whānau whānui he tekau mā tahi pakeke koina mo ngā rangatahi katoa o tēnei moana”. Ka mutu tēnei kaupapa hei te Rāmere o te wiki e tū mai nei.