Koroneihana – Tainui remember lost loved ones

E karahuihui atu ana ngā piko o Tainui waka ki Tūrangawaewae Marae ki te tangi i ō rātou mate o te tau, i mua i te hui whakanui i te tau tuangahuru nō te Koroneihana o Kīngi Tūheitia. Tūturu, he tikanga e kaha tonu ana i waenga i ngā uri whakaheke.

He tikanga tēnei e taea ai e Tainui waka te kawe mai i ngā mate.

"Ko te Kīngi Māori te pouwaru o tēnei mea o mate nō reira ia Koroneihana, ia Koroneihana e kawea mai ana e Tainui waka ōnā mate,” hei tā Tom Roa no Tainui.

A, ko tētahi o ngā whanau kua tau mai ko te whānau o Hone Rangawhenua. He kaumātua o mua, nā te marae o Maketū i Kawhia Moana, ā, koinei ana mokopuna te kawe i te Ohaki i waiho mai e ia.

"Kua whakatōngia ko taua kākano me kii te kaupapa o Te Kīngitanga ki roto i ngā kura o Waikato me ērā atu o ngā kura hoki kua pakeke mai mātou katoa i raro i te marumaru o Te Kīngitanga,” hei tā Oromairoa Rangawhenua no Tainui.

Hei huarahi whakaea i ngā taimahatanga, kua tae mai te whānau i te Urupū ki te whakanui i te mana o te Ōpango o mua a Norm Berryman.

"It was a bit intimidating standing out there and seeing this this is the first I've been on this marae so being called on to it we are lucky that we have had so many people around us to help us through this,’” hei tā te tama o Norm Berryman a Terrell Shortland-Berryman.

Tā te whānau Shortland-Berryman he tikanga tēnei e kore e warewaretia.

"I'm glad we get to share him with everyone here today and we'll go home and you know start the hearling again,” hei tā Terrell.

Hei āpōpo, ko te haerenga mai o te motu ki runga o Kīngi Tuheitia mō Ngā Kawe Mate o Te Motu te take.