Kotahi te kanohi Māori kei te rārangi kaitono a te Pāti Ipurangi

Kua whakaputaina te rārangi kaitono o te Pāti Ipurangi, ā kotahi noa iho tōna kanohi Māori.

He tauhou a Patrick Salmon o Ngāti Awa ki te ao tōrangapū, ā, i whai wāhi tā mātou karere a Ripeka Timutimu ki te kōrero ki a ia mō te take i kōwhiri ai ia i te Pāti Ipurangi, ā, ka whiua hoki te pātai, he aha te take me kōwhiri hoki a ngāi Māori i te rōpū tōrangapū hou nei?

Ka uaua ake pea te tiaki i āna tamāhine tokotoru mā Patrick Salmon, mōna kua huri nei ki te takahi i te ara tōrangapū.

Kua whai wāhi te uri o Ngāti Awa, he rua tekau mā whitu ōna tau, ki te rārangi kaitono mo te Pāti Ipurangi, tāpiri ki tēnā, ka tū ia ki te rohe pōti o Te Tai Rāiwhiti.

Hei tāna he nui ngā painga kei tōna rōpū mō te iwi Māori.

E whakawhirinaki ana te kaiārahi a Laila Harre, ki te mema tōrangapū o Te Tai Tokerau, a Hone Harawira, kia uru ai rātou ki te whare, ā, i te rā nei, kaore āna kupu matua mō ngā kaipōti.

E rere ana ngā kōhimuhimu kei te utua ngā kaitono, ā, kua whakatūturu a Patrick i taua kōrero.

Ki tāna hei ngā marama e toru nei ka tuku ia i āna nama, me te āmine mārika a Leila.

Ā, ki te taha ki ngā mahi 'whaiwhai pīhau', kua whakangungua e Patrick tōnā rōpū.

Kāre e kore ka pārekareka te ara kei mua i te aroaro o Patrick, i a ia e puta ana ki te ao tōrangapū.