Te 100% o ngā wāhi pōti e ripoata ana hei te 11:33pm
Atu i Te Whanganui – ā – Tara i te tonga, ki Pōtaka, tae noa ki Tarawera rawa, he rohe nui, he rohe roa hoki te rohe pōti o Ikaroa/Rāwhiti. Ko ngā tāone pēnei me Tūranganui – ā – Kiwa, ko Te Wairoa, ko Ahuriri, ko Heretaunga, ko Whakaoriori me te takiwā o Te Awakairangi e whai takiwā ana ki te rohe pōti nei.
Ko te mema pāremata o te Ikaroa-Rāwhiti i tēnei wā tonu, ko Meka Whaitiri o te Rōpū Reipa.
Te 100% o ngā wāhi pōti e ripoata ana hei te 1:33am
Atu i Pīha i te taha uru, tae noa ki Tuwakamana i te pito rāwhiti, ā, atu i te arawhata matua o Tāmakimakaurau i te raki ki te wāhi i rewa ai te manu aute a Tamapahore, ko te rohe tēnā o Tāmakimakaurau. Ko te whaitua nui o Tāmakimakaurau, me te whaitua o Manukau kei tēnei rohe pōti, engari, kei takiwā kē atu a Papakura.
Ko Peeni Henare o te Rōpū Reipa te mema pāremata mō te rohe pōti o Tāmaki Makaurau.
Te 100% o ngā wāhi pōti e ripoata ana hei te 2:12am
Atu i Maungatautari i te taha raro o te rohe, tae noa ki te pito raki o Grenada, takiwā o Tawa ki Poneke. Atu i Atiamuri, ki te pito hauāuru tonu o te Ika ā Māui, ko te rohe tēnā o Te Taihauāuru. Ko ngā rohe o Taranaki, Whanganui me Manawatū e whai takiwā nei ki tēnei rohe pōti.
Ko Adrian Rurawhe o te Rōpū Reipa te mema pāremata mō te rohe pōti o Te Tai Hauāuru.
Te 100% o ngā wāhi pōti e ripoata ana hei te 1:33am
Atu i Te Rerenga Wairua i te pito raki, ki kō atu o Waikomiti, tae atu ki te kahupapa nui o Tāmakimakaurau kei tōna pito whakatetonga. Atu i Te Henga i te uru, ki Takārunga, otīa, rere kau atu ana ki ngā moutere o Rangitoto me Motutapu i te pito rāwhiti, ko te rohe tēnā o Te Taitokerau. Ko ngā tāone pēnei me Kaitaia, ko Whangārei Terenga Paraoa me ētahi takiwā o Tāmaki ki te urukei tēnei rohe pōti.
Ko Kelvin Davis o te Rōpū Reipa te mema pāremata mō te rohe pōti o Te Tai Tokerau, ā, koia hoki te kaiārahi tuarua o te Rōpū Reipa i tēnei wā.
Te 100% o ngā wāhi pōti e ripoata ana hei te 1:10am
Atu i Te Awakairangi ki Makara i Te Ika ā Māui, ā, tae noa ki te waka ā Maui, ki te punga o te waka ā Māui me Wharekauri, ko te rohe whānui tēnā o Te Taitonga. Ko ngā whaitua nui o Te Whanganui ā Tara, o Ōtautahi, o Ōtepoti e whai wāhi ana ki tēnei rohe pōti.
Ko Rino Tirikatene o te Rōpū Reipa te mema pāremata mō te rohe pōti o Te Tai Tonga.
Te 100% o ngā wāhi pōti e ripoata ana hei te 1:42am
Atu i te taha tonga Waihī, i te pito raki, ki Whangaparaoa i te rāwhiti, ki te maunga o Tongariro i te paetonga, koirā ngā tāepaepatanga o te rohe pōti Māori o te Waiariki. Kei tēnei takiwā hoki ngā whaitua pēnei me Tauranga, Rotorua, Taupō me Whakatāne.
Ko Tamati Coffey te mema pāremata mō te rohe pōti o Waiariki i tēnei wā
E whai nei te Minita Take Kāwanatanga ā Rohe, a Nanaia Mahuta ki te panoni i ngā ture pōti ā rohe, nō muri i te tohe i te rohe o Galatea-Murupara i poua ai a Hinerangi Goodman hei kaikaunihera, kātahi ka kounutia te whakatau.
Hei tā Mahuta, mā te tīni i te ture e mutu ai tēnei āhuatanga. Kua puta i a ia ētahi panonitanga, ā āhea ērā mana ai i tētahi pānui i te rā nei.
E mea ana te Minita Take Kāwanatanga ā Rohe, a Nanaia Mahuta, ko te tatau pōti anō i muri i te ekenga ōkawa o te mema ki te kaunihera, he "āwangawanga".
Ka whai tēnei i te whakahokinga atu o Alison Silcock hei kaikaunihera mō te rohe pōti o Galatea-Murupara, i te putanga o ngā pōti i tatauria anō, nā te pōti kotahi i puta whakamua atu ai ia i te kaipāho ōmua, i a Hinerangi Goodman.
Tangi ana te karere tautōhito ō mua, a Hinerangi Goodman, ko tōna ekenga ki te tūranga kaikaunihera i werohia e tōna hoariri. Ka whai tēnei i te ekenga o Goodman ki te tūranga kaikaunihera i te Kaunihera ā Rohe o Whakatāne.
Kei te hono ngātahi ngā minita o mua nō ngā rōpū āpitihana tōrangapū, a John Tamihere rāua ko Christine Fletcher hei tira hoa mō te tūranga koromatua o Tāmaki Makaurau.
I puta te whakatau a te tokorua rā, arā, ka noho te minita o mua o te Pāti Nāhinara a Fletcher, hei tuarua mō te minita o mua o te Rōpū Reira a Tamihere.
Tekau ngā tāngata kua eke ki ngā whiring whāiti o te whaktaetae DIGMYIDEA, e aruaru nei i te kete tautoko he tekau mano tāra te wāriu. I kōrero atu a Te Kāea ki ētahi e whai nei i te taumata tiketike.
E rua noaiho ngā rā kei te toē ki te kōwhiringa pōti ā-rohe o Te Onewa, ā, kei te kaha te Rōpū Reipa kia kanohi kitea ia ki waenga i ngā kaipōti. Ko te Pirimia, ko Jacinda Ardern i hīkoi i te taha o te kaitono Māori nei, o Shanan Halbert ki te tūtaki i ngā kaipōti. Ā, i puta hoki a Mānia Clarke ki te whakamātautau i te wairua o tēnei hapori kua roa kē nei e tautoko ana i a Nāhinara.
WHAKATAU 2020: Tūtakina ngā whakaihuwaka me ngā kaitōrangapū Māori i tēnei pāhotanga matora motuhake me Neil Waka i Whakaata Māori.
WHAKATAU 2020: Ko te mura o te ahi. Mā David Jones tātou e taki, e kawe hoki ki ngā rohe o te motu e kitea ai ngā ekenga o te pō. Tukua mai ō whakaaro mā te pae papori e haere nei te pō.
E arohia ana te tūru o Tāmaki Makaurau, i ngā taniwha hikuroa o te tōrangapū ka tukituki i Whakaata Māori.
E kore Te Taitokerau e ngū, kei reira te nuinga o ngā kaipōti o te motu mō ngā tūru Māori. Hono mai ki Whakaata Māori i taua wā tonu.
Ka whai te tūru Māori o Te Tai Tonga i ngā tikanga whakahaere, te kōhau rānei? Ko te rohe o te tonga te tātāwhāinga a ngā kaitono i Whakaata Māori i taua wā tonu.
E tuwhera ana ki ngā kaitono o ngā tūru tukupū, kei tēhea te rōpū tika me te huinga kupu mō tēnei tautohetohe reo Māori motuhake? Kei a Whakaata Māori i taua wā tonu.
He whakararuraru nui i te pōti whānui o mua, ka huria e ngā kaipōti te tūru o te Waiariki, ka noho rānei ki te mea taunga? Kei a Whakaata Māori i taua wā tonu.
Ka peke waka te mana o te rohe o Hauraki-Waikato? Tirohia ngā kōrero a ngā kaitono matua i taua wā tonu i Whakaata Māori.
Mai i te Whanganui ā-Tara ki te Tairāwhiti, Ka tareka anō te whakararu i te rohe o Ikaroa-Rāwhiti? Tirohia ngā kaitono matua i taua wā tonu i Whakaata Māori.
Ka taupatupatu ngā kaitono mō te tūru Māori o Te Tai Hauāuru. Tohungia te mea whaitake kia koe i runga i Whakaata Māori i taua wā tonu.
Te tātaritanga ngaio, matawhānui a Whakaata Māori o ngā pōti, ngā rohe pōti Māori me ngā kaipōti Māori. Te Rā Whai Ake i te rā pōti.
Te tātaritanga ngaio, matawhānui a Whakaata Māori o ngā pōti, ngā rohe pōti Māori me ngā kaipōti Māori. Te Taupatupatu mō ngā Tūru Māori.
