Ko Adrian Rurawhe o te Pāti Reipa te mema pāremata mō te rohe pōti o Te Tai Hauāuru, he tūru i kapohia ake e ia i te Kōwhiringa Pōti 2014, whai muri i te hekenga o Tariana Turia, kaiārahi takirua ō-mua o te Pāti Māori.
Nā ētahi māngai nō roto mai i Te Pāti Māori te kōrero ki Te Ao Māori, ko te MP o Ikaroa Rāwhiti, ko Meka Whaitiri tētahi e hiahiatia ana e te rōpū mō te kōwhiringa pōti e haere ake nei.
E whai nei te Minita Take Kāwanatanga ā Rohe, a Nanaia Mahuta ki te panoni i ngā ture pōti ā rohe, nō muri i te tohe i te rohe o Galatea-Murupara i poua ai a Hinerangi Goodman hei kaikaunihera, kātahi ka kounutia te whakatau.
Hei tā Mahuta, mā te tīni i te ture e mutu ai tēnei āhuatanga. Kua puta i a ia ētahi panonitanga, ā āhea ērā mana ai i tētahi pānui i te rā nei.
E mea ana te Minita Take Kāwanatanga ā Rohe, a Nanaia Mahuta, ko te tatau pōti anō i muri i te ekenga ōkawa o te mema ki te kaunihera, he "āwangawanga".
Ka whai tēnei i te whakahokinga atu o Alison Silcock hei kaikaunihera mō te rohe pōti o Galatea-Murupara, i te putanga o ngā pōti i tatauria anō, nā te pōti kotahi i puta whakamua atu ai ia i te kaipāho ōmua, i a Hinerangi Goodman.
Tangi ana te karere tautōhito ō mua, a Hinerangi Goodman, ko tōna ekenga ki te tūranga kaikaunihera i werohia e tōna hoariri. Ka whai tēnei i te ekenga o Goodman ki te tūranga kaikaunihera i te Kaunihera ā Rohe o Whakatāne.
Atu i te whare Paremata ki ngā rohe, he rōpū i Turanganui a Kiwa e tautoko ana i te karanga kia tiakina o tātau tamariki, Waihoki, e puta ana te wero ki ngā mātua, tiakina o kōtou tamariki.
E tautoko ana te iwi Māori i ngā Kānaka Māoli o Hawai'i e tūtohe tonu ana ki te whakatūhanga mai o tētahi karu whakatata i te tihi o tō rātau maunga tapu o Mauna a Wākea.
E whakangao ana Te Tahua Whakawhanake i ngā Rohe Taiwhenua i ētahi kaupapa hei whakatipu i te ao ōhanga i Te Tairāwhiti. Koinā te whakapuakanga a te Minita Whanaketanga Ōhanga a Rohe, a Shane Jones i te rangi nei.
E hiahia ana te mema pāremata o Nāhinara, a Paul Goldsmith kia whakanuia te tūtakitanga a te Māori me te Pākeha ki te hui Tuia Encounters 250. Ko tā te kaupapa nei he whakanui i te rua rau e rima tekau tau nō te taenga mai o Captain Cook me tana tira o te Endeavor. Heoi, hei tā te Minita Paihere Karauna Māori, he hui whakamaumahara kē, ehara i te hui whakanui.
He tautoko i ngā whenua Māori te aronga o ngā panui tahua pūtea a te Minita Whakawhanake Take Māori a Nanaia Mahuta i Tūranga i te rā nei, arā, koni atu i te rima tekau miriona tāra ka rāhuitia mō ngā take whenua Māori.
Kei te whakaeke atu a Ngāti Porou ki Paremata mō te pānuitanga tuatoru o te pire o Ngā Rohe Moana o Ngā Hapū o Ngāti Porou, arā, koia nei te tuatahi o ngā pire i raro i te Ture Takutai Moana 2011.
Kua rua tekau mā whā tau a ia e mahi ana i Te Kaunihera o Te Tairāwhiti, ā, kua whakatauhia e Meng Foon ka mutu ana mahi tōrangapū i tēnei tau. Ka mutu, ko ia tonu te koromatua reo Māori kotahi huri i Aotearoa.
Kei te hono ngātahi ngā minita o mua nō ngā rōpū āpitihana tōrangapū, a John Tamihere rāua ko Christine Fletcher hei tira hoa mō te tūranga koromatua o Tāmaki Makaurau.
I puta te whakatau a te tokorua rā, arā, ka noho te minita o mua o te Pāti Nāhinara a Fletcher, hei tuarua mō te minita o mua o te Rōpū Reira a Tamihere.