Neke atu i te 35 tau kua mahi a Tākuta Elizabeth Kerekere i roto tonu i te hapori me ngā mahi porotēhi. Heoi kua rongonuitia whānuitia te uri nei nō Ngāti Oneone, Te Aitanga a Mahaki, Whānau a Kai, Rongowhakaata, me Ngāi Tāmanuhiri mō ana mahi mō te hunga takatāpui (Māori LGBTIQ) me ngā hapori "uenuku", ngā take Tiriti me te whakawhanaketanga o ngā taiohi.
Ko Meka Whaitiri o te Rōpū Reipa rāua ko Marama Fox o te Pāti Māori ōna hoa whakataetae.
E whai nei te Minita Take Kāwanatanga ā Rohe, a Nanaia Mahuta ki te panoni i ngā ture pōti ā rohe, nō muri i te tohe i te rohe o Galatea-Murupara i poua ai a Hinerangi Goodman hei kaikaunihera, kātahi ka kounutia te whakatau.
Hei tā Mahuta, mā te tīni i te ture e mutu ai tēnei āhuatanga. Kua puta i a ia ētahi panonitanga, ā āhea ērā mana ai i tētahi pānui i te rā nei.
E mea ana te Minita Take Kāwanatanga ā Rohe, a Nanaia Mahuta, ko te tatau pōti anō i muri i te ekenga ōkawa o te mema ki te kaunihera, he "āwangawanga".
Ka whai tēnei i te whakahokinga atu o Alison Silcock hei kaikaunihera mō te rohe pōti o Galatea-Murupara, i te putanga o ngā pōti i tatauria anō, nā te pōti kotahi i puta whakamua atu ai ia i te kaipāho ōmua, i a Hinerangi Goodman.
Tangi ana te karere tautōhito ō mua, a Hinerangi Goodman, ko tōna ekenga ki te tūranga kaikaunihera i werohia e tōna hoariri. Ka whai tēnei i te ekenga o Goodman ki te tūranga kaikaunihera i te Kaunihera ā Rohe o Whakatāne.
Kei te kitea inainei i ngā pūngao kōmaru ki roto i ngā kura o te motu. Ko te kura tuatahi o Maungaraki ki Pōneke tētahi kura e whiwhi ana ki ngā hua, i penapena ai i te rima mano tāra i te tau kua hori.
Kei te hono ngātahi ngā minita o mua nō ngā rōpū āpitihana tōrangapū, a John Tamihere rāua ko Christine Fletcher hei tira hoa mō te tūranga koromatua o Tāmaki Makaurau.
I puta te whakatau a te tokorua rā, arā, ka noho te minita o mua o te Pāti Nāhinara a Fletcher, hei tuarua mō te minita o mua o te Rōpū Reira a Tamihere.
Kua kōwhiria a Pounamu Wharehinga o Te Kura Kaupapa Māori o Horouta Wānanga ki Tūranganui a Kiwa, hei māngai ki te Paremata Rangatahi o Aotearoa.
E tōtara wāhi rua ana ngā whakaaro o te marea i te tonga o Tāmaki Makaurau mō te whai hua a te Māori i te kāwanatanga tūhono hōu nei. He kotahi tau kua hipa i te aranga ake o Reipa me Aotearoa Tuatahi hei kāwanatanga tūhono.
I whakatuwheratia e te kaiarahi takirua o te Pāti Kākariki e Marama Davidson he kaupapa whāngai aroha ki te punaha tautoko ā hapori i te rā nei. He kaupapa tēnei ka āhei ngā tini hapori o te motu te mahi tahi ki te whakakore i te pōharatanga ki Aotearoa nei.
Tekau ngā tāngata kua eke ki ngā whiring whāiti o te whaktaetae DIGMYIDEA, e aruaru nei i te kete tautoko he tekau mano tāra te wāriu. I kōrero atu a Te Kāea ki ētahi e whai nei i te taumata tiketike.
E manahau ana ngā kaipāmu Māori i te tohe a te kāwanatanga ki te whakaheke iho i te tuku mewaro, kia noho kore ai hei te tau rua mano, rima tekau. E whai ana tēnei i te kauhau a te Minita Take Āhua ā-Rangi, ki te hui Āhua ā-rangi i tū ki Te Taitokerau, ki Whangārei.
E rua noaiho ngā rā kei te toē ki te kōwhiringa pōti ā-rohe o Te Onewa, ā, kei te kaha te Rōpū Reipa kia kanohi kitea ia ki waenga i ngā kaipōti. Ko te Pirimia, ko Jacinda Ardern i hīkoi i te taha o te kaitono Māori nei, o Shanan Halbert ki te tūtaki i ngā kaipōti. Ā, i puta hoki a Mānia Clarke ki te whakamātautau i te wairua o tēnei hapori kua roa kē nei e tautoko ana i a Nāhinara.
Kei te āwangawanga a Nanaia Mahuta i te maha o ngā kai-pōti Māori kua whakawhiti atu ki te rārangi auraki. Kua tae atu rā ki te puku o te wā e whiriwhirihia ai e te Māori te rārangi pōti māna, me te aha, he tata ki te kotahi mano rima rau te hekenga iho i te rāranga pōti Māori.