Ngā Tūru i Paremata

  • National Party 56
  • Labour Party 46
  • New Zealand First Party 9
  • Green Party 8
  • ACT New Zealand 1
  • Total 120

Marama Davidson

Green Party

Ka tū anō a Marama Davidson, nō Ngāti Porou, Te Rarawa me Ngāpuhi, hei kaitono mō te Rōpū Kākāriki i te rohe pōti o Tāmaki Makaurau.

Ko Peeni Henare o te Rōpū Reipa rāua ko Shane Taurima o te Pāti Māori ōna hoa whakataetae.

Ērā atu kaitono i: Tāmaki Makaurau

Ētahi atu: Marama Davidson

Pūrongo

He whakaari pūoro hōu e waru miriona tāra te utu ki Tāmaki Makaurau

Ko ngā tini ahurea, ko ngā tohu o te whenua me te āhua o te noho a te tini ngeronero o te taone nui o Tāmaki Makaurau ka kitea rā i tētahi whakaari pūoro pukukata, he tuatahi o tōna momo, ko City of 100 Lovers te ingoa. Hei tā ngā kōrero a te kaiwhakaari nei, a Te Waihoroi Shortland, ko te ito o te whakaaturanga e waru mīriona tāra nei te wāriu, ko te ao Māori.

Pūrongo

Me whai reo ngā uri o Ngāpuhi ki Tāmaki Makaurau ki te rautaki whakatau kerēme hōu

E ngana ana ngā uri o Ngāpuhi e noho ana ki Tāmaki Makaurau kia whai nohonga ki te tēpu kōrero ai mō tā rātou kerēme tiriti o Waitangi. I hui ngātahi te Minita Take Tiriti, a Andrew Little ki ngā uri o Ngāpuhi noho tāone ki te āta wānanga i tōna rautaki hōu.

Pūrongo

Kei te Kōti Matua te iwi o Ngāi Tai ki Tāmaki mō te mana motuhake o Motutapu

Kei Te Kōti Matua ki Pōneke te iwi o Ngāi Tai ki Tāmaki e pakanga ana mō tōna mana motuhake ki Motutapu, ki Rangitoto anō hoki i Te Waitematā. E ai ki a James Brown, Heamana o te iwi, kua takahia rā e te Karauna ngā mātāpono o te Tiriti o Waitangi i tāna whakaae kia tuku kirimana mahi ki ngā pakihi turuhi, ahakoa te whakahē a te iwi.

Pūrongo

Ka ora te reo mā te haka

I muia a Tāmaki Makaurau e te ao haka inanahi ko te mahi matua ko te whakatairanga i Te ahurea Māori mā te reo. I tae atu a Rukuwai Tipene Allen ki whakarongo ki te reo waitī ka mutu Kia mōhio he aha I rerekē ai te reo o tēnei rohe. 

Pūrongo

E manahau ana ngā kaipāmu Māori i te tohe a te kāwanatanga kia whakaheke iho i te tuku mewaro

E manahau ana ngā kaipāmu Māori i te tohe a te kāwanatanga ki te whakaheke iho i te tuku mewaro, kia noho kore ai hei te tau rua mano, rima tekau. E whai ana tēnei i te kauhau a te Minita Take Āhua ā-Rangi, ki te hui Āhua ā-rangi i tū ki Te Taitokerau, ki Whangārei.

Whakaatu hua anō