Ko Nanaia Mahuta te mema pāremata mō te rohe pōti o Hauraki-Waikato, ā, ka tū anō ia mō tōna pāti, te Rōpū Reipa i tēnei kōwhiringa pōti.
Ka wero mai ko tōna whanaunga a Rahui Papa, hei kaitono mō te Pāti Māori, i te tūru o te rohe pōti.
Nā ētahi māngai nō roto mai i Te Pāti Māori te kōrero ki Te Ao Māori, ko te MP o Ikaroa Rāwhiti, ko Meka Whaitiri tētahi e hiahiatia ana e te rōpū mō te kōwhiringa pōti e haere ake nei.
E whai nei te Minita Take Kāwanatanga ā Rohe, a Nanaia Mahuta ki te panoni i ngā ture pōti ā rohe, nō muri i te tohe i te rohe o Galatea-Murupara i poua ai a Hinerangi Goodman hei kaikaunihera, kātahi ka kounutia te whakatau.
Hei tā Mahuta, mā te tīni i te ture e mutu ai tēnei āhuatanga. Kua puta i a ia ētahi panonitanga, ā āhea ērā mana ai i tētahi pānui i te rā nei.
E hiahia ana te mema pāremata o Nāhinara, a Paul Goldsmith kia whakanuia te tūtakitanga a te Māori me te Pākeha ki te hui Tuia Encounters 250. Ko tā te kaupapa nei he whakanui i te rua rau e rima tekau tau nō te taenga mai o Captain Cook me tana tira o te Endeavor. Heoi, hei tā te Minita Paihere Karauna Māori, he hui whakamaumahara kē, ehara i te hui whakanui.
E manahau ana te marae o Papakura i te wā kirihimete nei, ko rātou te hunga tuatahi ka whiwhi putea i te tahua putea Hanga Whare Māori tekau mā rima miriona tāra te rahi a te Kāwanatanga.
Ko te whakahau a te Pirimia, kotahi miriona tāra ka tukua ki te Rautaki Papakāinga hei tāwharau i ngā kaumātua o te marae.
Kotahi rau neke atu ngā kaiārahi o Waikato e āta matapaki ana me pēhea te whakapai ake i ngā take taiao, te ōhanga me ngā hapori i te rohe whānui.
Hei tā te Minita Whanaketanga Māori, hei tā Nanaia Mahuta rātou ko aua rangatira Māori mā te mahi ngātahi e whakapuawai ai ngā hiahia o te Māori me te takiwā.
E tōtara wāhi rua ana ngā whakaaro o te marea i te tonga o Tāmaki Makaurau mō te whai hua a te Māori i te kāwanatanga tūhono hōu nei. He kotahi tau kua hipa i te aranga ake o Reipa me Aotearoa Tuatahi hei kāwanatanga tūhono.
Ko te whakakore i te kainga kore te whāinga matua o tētahi kaupapa whare hou i Rotorua. Ka whakarewa te minita whanaketanga māori a Nanaia Mahuta i taua kaupapa i te rangi nei.
Kua tohua a Tākuta Charlotte Severne hei tūmuaki hou o Te Tumu Paeroa. Ko ia te wahine tuatahi kia eke ki te tūranga mō te rōpu whakahaere i ngā whenua Māori, e tata ki te iwa tekau mano heketea te rahi.
Ka noho ko ngā mahi pāpāho Māori hei aronga matua mō te Minita Take Pāpāho hōu, mō Kris Faafoi. Ko tā Nuk Korako o Nāhinara kihae a Clare Curran i whakamana i a Ngai Māori ki tana paepae tohu pāpāho, ā, mā Faafoi tēnei take e whakatika.
Police say they will not be taking further action on the alleged Meka Whaitiri assault. The Ikaroa-Rawhiti MP will not return to parliament while the inquiry into the alleged incident between herself and a staffer is underway.
Koianei te rā, i ngā tau tekau mā rua ki muri, i mate atu ai Te Arikinui, a Kahurangi Te Atairangi Kaahu. Ko tā te mema pāremata Māori o Tamaki Makaurau, he whakahoki mahara ki Te Arikinui, he arotake hoki i te Kingitanga i ēnei rā. Nāna te whāruarua o tōna matua i whakakapi hei mema o Te Tekaumārua.
Tokowhitu ngā māreikura nō te waka o Tainui e whakamānawatia ana e tētahi whakaaturanga e kīa nei He Toa! He Wahine. He tuatahitanga te whakakitenga nei hei whakamaharatanga i ngā tau kotahi rau ono tekau e tū nei Te Kiingitanga, te kotahi rau rua tekau mā rima o Suffrage mō Ngā Wāhine me te tau hōu Māori o Matariki.