Ko Peeni Henare (Ngāti Hine, Ngāpuhi) te mema pāremata mō te rohe pōti o Tāmaki Makaurau, nāna i mau i te tūru i te tau 2014 whai muri i te hekenga iho o te kaiārahi takirua o te Pāti Māori arā te Minita Take Māori ō-mua, a Tākuta Pita Sharples.
Nā ētahi māngai nō roto mai i Te Pāti Māori te kōrero ki Te Ao Māori, ko te MP o Ikaroa Rāwhiti, ko Meka Whaitiri tētahi e hiahiatia ana e te rōpū mō te kōwhiringa pōti e haere ake nei.
Te āhua nei, he nui ake ngā pātai i ngā whakautu mō te mahere tiki a te kāwanatanga. I te rerenga o ngā pātai, ka whakarewaina e te Kāwanatanga tāna mahere whakarite i te motu ka tūpono pākia e te maiki nui.
E hiahia ana te mema pāremata o Nāhinara, a Paul Goldsmith kia whakanuia te tūtakitanga a te Māori me te Pākeha ki te hui Tuia Encounters 250. Ko tā te kaupapa nei he whakanui i te rua rau e rima tekau tau nō te taenga mai o Captain Cook me tana tira o te Endeavor. Heoi, hei tā te Minita Paihere Karauna Māori, he hui whakamaumahara kē, ehara i te hui whakanui.
Ki te tonga o Tāmaki, kua tae ā-tinana atu te Minita o Whānau Ora a Peeni Henare ki te marae o Ngā Whare Waatea i te rā whakamutunga hei tuari pouaka kai, nā te tono a te Kaiwhakahaere o Whānau Ora ki Te Uepu Noho Taone o Manukau i tuku.
Kei te hiahia hoki te kaiwhakahaere, a Veronica Henare ki te akiaki i te kāwanatanga kia kaha ake te tautoko ki ngā whānau pōkaikaha i te wā kirihimete.
He kōrero whakatūpato mai tētehi whānau tokowhā ki te hunga haere ki tāwāhi ki te whakatikatika i ngā whakarite haerenga hei te wā o ngā hararei.
Kua hōhā te tokowhā i te whakatārewatanga o ā rātou haerenga i ngā rā whakatā nei, nā te hapa o tētahi kamupene whakahaere wakarererangi.
Ki Tāmaki Makaurau, kua tīmata kē ngā whakatairanga manamanahau o te wā mō ngā whānau e toru rau o te hunga mauhere. Mō te wā tuatahi ka tū ngā whakamānawa o te kirihimete o Anahera Rākau, ki te marae o Mataatua i Māngere.
Me whakatū e te rōpū Housing & Urban Development ētahi hapori māori. Koinei te whakahau a te Poutaki o Ngāti Whātua o Ōrākei Marae, a Taiaha Hawke.
Kei te āritarita rātou me Ngati Paoa kia mahi ngātahi rātou ko taua rōpū ki te tuku i ngā whare ngāwari te utu ki o rātou uri.
Ko te kapa haka o Te Kāhui Huringa mai i te kura tuatahi o Whinireihana te toa whakaihuwaka hōu o te whakataetae kapa haka ngā kura tuatahi, kura takawaenga hoki o Tāmaki Makaurau.
I eke Te Kura Māori o Ngā Tapuwae ki te taumata tuarua, ko Te Kura takawaenga o Henderson ki te tūnga tuatoru.
Tekau ngā kohanga reo mai i Tāmaki Makaurau me Te Taitokerau ki te papa whakat`ū waewae mo Te Mokotini i te rāwhiti o Tāmaki.
E ai ki te kaumātua o TKR o Te Puau Te Moananui a Kiwa a Tumanako Waiwai ma ngā pakeke anake te whakataetae o Te Matatini engari ko te whakanui i te ahurea māori te kaupapa o Te Mokotini.
Ka parea e te kawana te moemoeā a Kahurangi Tariana Turia mo Whanau Ora? Ahakoa kei te whakaro te Minita Whānau Ora ki ētahi panoni ahakoa kei te manawanui tonu ngā kaitautaunaki ka aro mai te kawana ki te whakanui ake i ngā putea te take kua whai hua nga whanau whā tekau mā rīma.
E ai ki a Minita Peeni Henare, ko te whakapae tōmua ki te arotake a tona kōpaki, he rerekētanga ki tua mo Whānau Ora. Ko te manako a Kahurangi Tariana Turia ka whai pūtea tautoko tonu te kaupapa na tōna hāpai i ngā tangata wha tekau ma rima mano neke atu.
Kei te hiahia ngā pou hāpai i te hunga mate wairangi ki te whai i tētahi kaupapa hōu e kī ana "Open Dialogue" kia pai ake ai tā rātou āwhina i ngā whānau whaiora. Hei tā te Rōpū Tautoko i Ngā Whānau o Tāmaki Makaurau, koirā te huarahi whai kiko i Ahitereiria, hei manaaki i te katoa o te whānau.
