Kua āki a Taurua i a Sunshine Coast lightning kia tae atu ki ngā whiringa whāiti

Whai muri i tāna angitū me te kapa Southern Steel ki te ANZ Championships, kua rite anō te whai hua a Noeline Taurua kia eke ki ngā whiringa whāiti o te whakataetae Super Netball ki Ahitereiria me te kapa Sunshine Coast Lightning i tēnei tō rātou tau tuatahi. Ka tuki atu rātou ki te kapa toa o te whakataetae i tēnei wā, ki te kapa Melbourne Vixens hei ēnei rangi okioki mō tētahi tūranga ki ngā whiringa toa. 

Nā tēnei wikitōria ki runga ake i a Giants Netball i mana ai te uru a Lightning ki ngā whiringa whāiti.

Heoi e mea ana a Noeline he nui tonu ngā mahi kei mua i a rātou i mua i te tukinga ki te hoariri nui. 

Hei tā Noeline ahakoa tana tau haere ki te taira tākaro a Ahitereiria, kaore i roa ka eke panuku te kapa lightning i ngā pūkenga a Laura Langman, ngā kaikuru a Caitlin Bassett me Geva Mentor rātou ko te kaiārari a Erana Mikaere.

Ko Collingwood Magpies, ko Giants Netball hoki ngā kapa ka eke ki te pae tuawha i te taha o ngā Vixens.

Hei tā Noeline, he tohu e tipu haere ana te kēmu.