Kua hainatia e Ngāti Kahu ki Whangaroa tōna kawenata whakatau tiriti

Mai i tona timatatanga kua tohetia ngā kereme o te iwi o Ngāti Kahu ki Whangaroa.  E tata ana ki te toru tekau tau kua pahure iaianei, ā, i rongo tonu i taua wairua ā etahi i te taenga atu o te Karauna mo te hainatanga i te kawenata whakatau I ngā take tiriti o te iwi.

Hei tā Pita Pangari of Ngāti Kahu ki Whangaroa, “E pai ana rātou kia tu mai kit e whakahee i tēra.  No rātou ano o ratou na kōrero engari ki toku nei kitenga, te roa o o matou matua tupuna e petihana ana mō ngā whenua.  I roto I ngā kōrero o tena petihana whakahokia mai o matou whenua.  I tēnei ra kua whakahokia mai ngā whenua.”

He tono i timata i te tau 1986, a no te tau rua mano ma whitu ra ano ka raru a Takuta Michael Cullen i tana haerenga mai ki te haina i te kawenata whakaaetanga. Heoi e kore rawa te minita o te wa e whakakotiti i te kaupapa i te ra nei.

Hei tā Finlayson, “You can either refuse to settle and keep on talking or bite the bullet and get the settlement done and then move on from there.  There comes a time when you just can’t keep talking you've gotta do things and that's what the negotiators have recognised here."

I te ra nei kua whakatauhia ko te rohe o Ngāti Kahu ki Whangaroa engari e mea ana ngā uri e porotu ana ki waho, ki raro i ngā whakarite a karauna inaianei kua whanui kē atu taua rohe i te mea tika.

Ara ko te mamae a te hunga whakahee, kihai i tutuki te kaupapa ki roto i te iwikainga i mua i te taenga ki tēnei ra.