Kua hāmenetia te tāne nāna i whāngai te waipiro ki te tamaiti e iwa tau noa iho te pakeke

Kua whakaae tētahi o te tokotoru ki te hara nana i hoatu I te waipiro i haurangi ai tētahi tamaiti e iwa tau noa tōna pakeke. Hei āpōpō ka puta te whakatau a te kaiwhakawā mēnā I hē anō te wahine.

Hēoi, i te rā nei I whakawāteahia tētahi o rātau nā te kore kite ake i ngā whakahē mōna.

Koinei ngā pikitia I huri āwhiowhio i te ipurangi i te timatanga o tēnei tau. He pikitia e whakaatu ana i tētahi tamaiti haurangi e iwa noa ngā tau ki tētahi papa rēhia i Kirikiriroa.

Ko Kali Tiloi, tētahi tangata e mōhiotia ana e te papa o te tamaiti, tētahi o te tokotoru i whakapaea mō te inu waipiro.

Nō te rā nei mā runga ataata mai i te whare herehere, ka puta tana whakaae ki te hara nōna te hē.

He whitu rau rima tekau tāra te rahi o te whaina kua whiua ki a Tiloi, hōi, ko te whakatae a te tokorua a Michael Harry King rāua ko Lucy Snowden kīhai rāua i hē.

Hōi, hei āpōpō ka puta he whakatau mō Snowden.

Ko tōna rā huritau tonu te rā i haere kau noa ia ki te papa rēhia.

Nā wai rā ka kite ia i tētahi o ōna hoa, mea rawa ake ka kite hoki rāua i ngā pākeke e inu rama ana.

Ko te whakapae, nā tētahi o aua tokotoru I hoatu te inu kit e tamaiti rā, me te aha, ka haere tonu taua tamaiti i tana haere.

Ko tā te tama ki ngā pirihimana, i ngā rā whai muri, i tana hokinga atu ki te kāinga i taua ahiahi, ko te mate ruaki te mutunga mai o tana rā.