Kua hikina te pana atu o te kuia Māori i tōna whare e Toitū Te Whenua

Kua hikina e Toitū Te Whenua tā rātou pananga i te kairēti nei, i a Miriama Solomon, e tāea ai te kimi whare hōu mōna. E mate kē ana te kūia, waru tekau mā tahi ōna tau, ki te kimi whare hōu, whai muri i te tata panatanga ōna e ngā āpiha o te kōti i tēnei ata.

Hei tā Miriama Solomon, “I mea mai tērā, kua tāpungia rātou te tangata tika ki te tae mai ki te panga au ki waho, ko te rapu kainga rātou mōku.”

Hei tā te mema o te Rōpū Kākāriki a Marama Davidson, he mahi whakaweti kino tēnei ki te hunga whakaraerae. Hei tāna, “Harikoa taku ngākau te kite, ka mataku rātou, i te mea i tū kaha te hapori, i tū kaha te whanaunga ki te tautoko i a ia, i tēnā mahi tūkino, ka mataku haere rātou”

Me te whakaaro o te whānau, ahakoa kua hiki ake ngā taumahatanga mō Miriama mō te wā poto nei, me rīpenetā tonu te manatū kāwanatanga.

Ā tērā tūrei ka tū tētehi hui whakawā ki te taraipunara mō ngā whare, e kawea ana te kamupene whakahaere mō LINZ, ara, Collier International ki reira, ki te whakahē i ā rātou mahi whakahōhā i a ia me ngā nama reti.