Kua hinga tētahi o ngā rangatira mō ngā take pāpāho a iwi taketake

He pou i te whare pāpāho iwi taketake, i whakapau kaha ki te here i ngā kaipāho iwi taketake o te ao i āna mahi hei hekeretari matua mō te uepū Iwi Taketake Pāpaho e kiia ana ko WITBN.

Ko Patagaw Talimalaw tērā kua mate ohorere nei i Kānata, he tangata whenua ia nō Taiwan, otirā nō te iwi Paiwan. Koia te hēkeretari matua o WITBN, ā, he kai-mahi i Taiwan Indigenous Television i mua i tana taenga mai ki Whakaata Māori nei, mahi ai i te tau rua mano tekau.

E mōteatea tonu ana, e tangi tonu ana ki tēnei mareikura o te ao pāpaho taketake.

I mahi pau te kaha a Patagaw Talimalaw ki tēnei uepu whakakotahi i ngā pāpaho taketake, arā a WITBN 

He wahine i arohatia hoki e te kaiwhakahaere o mua o te tari kawe pūrongo o Whakaata Māori, ā, hei ko tāna kia kaua tātou e wareware i ngā mahi i tutuki i a ia.

Ko Te Anga Nathan tēra e mea ana, “he wahine i taea te whakaihiihi te whakawanawana te whakahihiri i te hunga ki te hunga i piritahi ki a ia ko ia toona ao”

Koira ko te aronga o te Tumu o Whakaata Māori kia takahia tonutia tēnei huarahi i waiho mai a Patagaw.

Hei tā Paora Maxwell, “Ae he tino mahi ki te whakapakari ake i ngā hononga ki waenganui i a tātou.”

Haere koe e hine, ki ō tātou wheinga ki ō tātou tūpuna.E moe i te moengaroa.