Kua hui ngā māngai o ngā iwi o Tāmaki mō te hokotanga o ngā whenua Karauna

Ki Manukau i Tāmaki ki te Tonga, kua hui ngā māngai o ngā iwi tekau mā toru o te Kāhui Mana Whenua o Tāmaki me te Kāwanatanga mō te hokotanga o ngā whenua Karauna mō te whakatū whare.

Kua mea ake te Kāwanatanga kāhore ia mō te hoko i ōna whenua Karauna i raro i te mana hoko tuatahi, nā, kua āwangawanga ētahi iwi pēnei i a Tainui, mō te mana hoko tuatahi kua tuhia ake ki ō rātou kawenata whakatau Tiriti.

He āhuatanga kua whakatīkoki rā i te waka o te Kāwanatanga i roto i tōna kaupapa whakatū whare, inā ko tētahi o ana hiahia kia riro mā ngā iwi ētahi o ngā whare e whakatū.

Kāhore te hunga pāpāho i whakaaehia ki te hui, engari i muri tonu atu, i a Minita Nick Smith ēnei kōrero ki te hunga pāpāho.

Ko Ngāti Whātua tētahi o ngā iwi i roto i te hui.

I ngā wiki taha ake nei i tahuri rātou ki ā rātou rōia e pā ana ki te korenga o te Kāwanatanga e aro ki te mana hoko tuatahi.