Ko te rā tuatahi tēnei mō ngā kaitōrangapū i te Whare Miere, ā te āhua nei kua tīmata kē te neke whakamuri.
Kua huri ngā whakāro ā te kaiwhakahaere o Reipa, a Andrew Little i puta i tērā wiki, ara mō te rangatiratanga a te Māori. I tērā wiki i whakāe ia ki aua kōrero, engari anō i tēnei wiki.
He kōrero mana nui, engari te āhua nei he ngutu kau noa tā Andrew Little.
Kua karo a John Key i ngā kōrero mō te rangatiratanga o te Māori, me te kapo ake i a Tūhoe me Te Urewera hei tauira mō te mahi tahi.
I tērā tau nā te Rōpu Whakamana i te Tiriti te rīpoata i mea ake kaore ngā kaiwaitohu o te Te Tiriti o Wāitangi i tuku i tō rātou mana ki te Karauna, heoi ko tā ētahi kei te huri tuarā a Key ki taua whakatau.
Hei tā Peeni Henare, “I te noema te putanga te rīpoata a te taraipiunara, te whakaparahako te Prime Minister me Finlayson i tēnei rīpoata nā reira ki au nei me whai wāhi tātou katoa te noho te ata kōrero i tēnei.”
E ai ki a Kelvin Davis, “Pai ana ma te motu whānui te whai i tēnei kōrero me te wānanga i te rangatiratanga i ēnei rangi, engari ki taku whakaaro ko te Pirimia e mataku ana ia ki tēnei kōrero e pahupahu ana ia.”
Heoi mō ngā iwi e hiahia ana ki te whakatau kokoraho me te whai rangatiratanga, i raro i tēnei kāwanatanga, auare ake.
Nā reira kua whakaae a Andrew Little kia haere tonu ngā kōrero, engari kua kati te kuaha mō te rangatiratanga a te Māori.
