Kua raru anō te Kaunihera Māori i tā rātou tono mō te mana ki ētahi mea e kiia ana, e rātou, he 'taonga'.
Kua karo te Rōpū Whakamana i te Tiriti i te tono a te Kaunihera Māori mō tā rātou tono mō tētahi wāhanga o te tuāwhiorangi, arā, te iarere reanga tuawha.
Kāre e kore, kua harikoa te Kāwanatanga i mua i te hokonga atu o te tuāwhiorangi hei te marama e tū mai nei.
Heoi i te ohorere rātou ki te whakatau a te Rōpū Whakamana i te Tiriti, nā te mea i ngā tau ki muri i wero rātou ki te Kāwanatanga kia whakaae rātou ki te kōrero, he taonga tēnei mea te iarere reanga tuawha, engari auare ake.
Engari he hoa pakanga pea tā te Kaunihera Māori, arā te Pāti Māori. E whakahē ana rātou i te tū a Nahinara.
Hei te marama e tū mai nei, tīmata ai te hokotanga atu o tērā o ngā pito o te tuāwhiorangi ki ngā kamupene pērā i a Telecom, Vodafone me 2degrees, he tata ki te rua rau miriona tāra te wāriu. Engari he tautohe nui pea e haere ake nei.
Hei āpopo hui ai ētahi o te Kaunihera Māori ki Tāmaki Makaurau kia whai huarahi tika mā rātou.
