Kua kitea ētahi kōiwi Moa nō ngā tau rua mano ki muri

Kua kitea ētahi kōiwi Moa ki te Puku o Te Ika, ā ko te whakapāe nō ngā tau rua mano ki muri.

I whai wāhi atu tētahi tira nō Te Kawa ā Māui o te Whare Wānaga o Wikitōria ki te āwhina i ngā mahi huki o ngā koiwi rā.

He taonga tawhito me uaua ka kitea.

Kaore anō tētahi hukenga kōiwi pēnei te nui kia kitea noa i ngā tau whā tekau mā rima kua pahure nei.

I tērā atu marama i tae ake te tira a Peter Adds, ki te huke i ngā whenua pāmu ki Otiku, te rohe o ngā hapū o Ngāti Paki me Hinemanu.

Ahakoa te nui o ngā koiwi i kitea, e ai ki a Peter, e ngaro tonu ana ētahi, ā ka mahue mā Peter ngā āputa e whakakī.

Hei te marama e tū mai nei hoki atu ai te tira ki te kohikohi anō i ngā kōiwi e noho tapuke tonu ana.