Koni atu i te kotahi mano ngā tauira i porotēhi i Te Whare Wānanga o Tānaki Makaurau ki te wero atu ki te tono ā te komiti whakahaere ki te kapi i ngā whare pukapuka e toru. Hei tā te perehītini o AUSA ko te karanga nui ko whakatū i te tono, ko te tiaki i ngā whare pukapuka me te whakapāoho i te reo o te tauira kia rangona. Koni atu i te whā mano tauira, me nga kairahi hapori i haina i te tāpaetanga a te AUSA kia rangona te reo whakahee o ngā tauira mo te whakatau kia katia mō ēnei whare pukapuka e toru.
He hua te whakahoutanga o Te Tumu Herenga o Te Whare Wānanga o Tāmaki Makaurau o te whakawhanaketanga o ngā whare pukapuka me te hiahia kia hāngai ki ngā hiahia ō ngā mātauranga o ngā tauira me ō rātou hāpori. Erangi hei tā Anna Cusack ko te reo o ngā tauira te utu.
Ko tā te tono a te komiti he kapi i Te Herenga Pūoru, i Te Herenga Whaihanga, me Te Herenga Toi hoki ko te nuinga o ērā pukapuka ka hūnuku ki te whare pukapuka matua.
Hei tā te perehītini o te AUSA ko te whakaaro kore o te Whare Wānanga te mea whakahōhā, ko te whai reo te whāinga.
Hei te pō nei kapi ai ngā whakawhitinga kōrero mō te kaupapa nei ā ka hui hoki ko te kaiwhakataki i te kaupapa kia rongo tonu ngā mana whakahaere i ngā wawata ō ngā tauira.
