Kua mahue te Kāwanatanga i te ngako ki te whakaheke i te mōmonatanga

E āwangawanga ana a Tākuta Rhys Jones mō te rautaki a te Kāwanatanga hei patu i te mōmona i i te reanga o ngā tamariki. Ko te karo tō mua me te whakawhānui i te tuku āwhina ki ngā tamariki nohinohi ētahi kaupapa kei roto i te rautaki. Engari hei tā mātanga hauora Māori nei, kāre he hua o roto.

Ko Aotearoa te tuatoru o ngā whenua o te huinga Whakahiato Ohanga o te Ao mō te momona o ōna tamariki, engari e āwangawanga ana tēnei mātanga hauora i te rautaki hou a te kāwanatanga.

E ai ki a Tākuta Rhys Jones, kaiako matua o Te Kupenga Hauora o Te Whare Wānanga o Tāmaki, kua mahue katoa tēnei rautaki hou a Te Kāwanatanga I te tino take e mōmona haere ana ngā tamariki. Ko tā rātou he utaina te hē ki runga I ngā tamariki me ngā whanau.

Ko ngā kai o roto i te rautaki hou a te kāwanatanga he whakatairanga ā-hapori, he rautaki kai, he whakapakari tinana hoki mā ngā whānau.

Ki Garus Ave he kōpaki mīti, he tōnati te kai mā ngā tamariki, whā tāra noaiho te utu. A, whakawhiti atu i te huarahi ko tētahi kura, engari ko te māmā o te toro atu a ngā tamariki ki ēnei kai te raru nui hei tā Tākuta Rhys Jones, Ko te mama o te hoko I ngā kai kī ana I te huka, iti hoki te utu ki ngā toa hook kai. He mama ake te toro atu ki ērā kai ki ngā kai pai mō te tinana.

Engari ko te whakahē a te kāwanatanga ki tētahi tāke huka te take e tū ana ngā pihi o Tākuta Rhys Jones, me rapu huarahi ki te whakaheke I te nui o ngā pānui me ngā whakataeranga ā-hapori mō ngā kai kino, te āhua nei kei te aro kē te Kāwanatanga ki te whanaungatanga o te Ōhanga kai, ki tērā o te hauora o ngā tamariki.