Kua mahue a West ki te rārangi ingoa Blues mō te tukinga ki ngā Waratahs

Rahia Timutimu
Ihaia West - Photo / blues.co.nz

Mō te wā tuatahi i tēnei tau kāre he tūranga mā Ihaia West ki te tīma tākaro o ngā Blues, ki te paetaha rānei.

Koinei hoki te mea whakaohorere i puta mai i te whakaīngoatanga o te kapa Blues mō te tukinga ki ngā Waratahs i Poihākena ā te Rāhoroi.

Taka mai ki tēnei wā, kahore anō te toki o Kahungunu kia okioki noa i roto i ngā kemu o tēnei tau, ā, e rima tekau mā ono ngā piro kua tutuki i tōna pūtu i aua kēmu e rima.

Heoi anō, kua whakaurua e John Kirwan te topatahi ō-mua mō te kapa Highlanders me te kapa Crusaders ā Dan Bowden ki taua tūranga rā.