Kua mate tētahi tangata i muri i tōna peketanga atu i tētahi tokorangi

Taroi Black

Nō te ata nei ka mate tētahi tangata whai muri i tōna peketanga atu i tētahi tokorangi i Te Whanganui a Tara.

I tēnei ata ka mātaki atu tētahi tangata i tōna hoa e peke iho ana tēnei tokorangi, engari kāre a ia i maea ake i te wai. 

Ka tae atu te hunga ratonga mate, ka kimihia te tinana o te tūpāpāku pātata atu ki te wāhi peke. 

I tēra wiki ka kapo atu tētahi i tētahi ripene mō tētahi tangata e peke ana i te tokorangi, ka rongonui tēnei peketanga āna i runga ipurangi. Katahi ka puta ngā whakatūpatotanga a te hunga pirihimana ki te katoa. Engari kāre he aha o ngā whakatūpatotanga mo te tokorua i peke i tēnei ata.

Kei te mōhiotia tōna ingoa, engari me whakapā tonu ngā whanaunga.